05.04.06
Grüessgott,
Jaja hallo. Ich ha denn scho lang nix meh xeit gell. Bi ebe im Hotel Pferdli xi mitm Paul gell. Ganz schön xi. Er het siin schönste Ahzug ahzoge(de mitde 5cm Streife) und die suubere wiesse Socke usegholt. So schön...
Da ich gad ide nöchi vode Edith xi bi, bini zu ihre go lüte gell. Ihr chönd ez 3x rate, wa chunt... Ja, sie het nackig ufgmachet gell und hinder ihre hani zwei Italiener ghört rede. Wieviel mal hanre das scho xeit? Kä Tschingge! Vorallem nöd zwei! Da hanre xeit: „Edith, Edith, ich muss denn scho sege. Ich bin sehr enttüscht, gell. Ich glaub du bisch jetzt nüme miini Fründin... Da hesch du zwei Tschingge im Bett gell, zwei. Wa isch denn ih dir gfahre? Seg?“
Da het sie mir xeit, das seget ke Tschingge sondern Amerikaner...Da hani mi entschuldigt. Ich bi mt ihre ines Kaffi en St.Galluccino go drinke. Mir hend chli gredet. De Giovanni isch au debii xi ( Eine vode Amis). Isch eintli na en Nette. Er schaffet bimne Pizzarestorant. Edith het mr xeit, Pizza seg eintli in Amerika erfunde worde. Da findi ganz spannend. Ich ha sogar es paar Wort Englisch glernt: „Amore“, „Sono bella“ und „ti mao“. Englisch isch scho na e flotti Sprach.
Spöter am Abig, da hani Bock gha uf Sex, gell. Da hani gfunde es wird mal wiedr Ziit fü es erotischs Liebesspiel. Ich han es paar Rüebli gholt und Slimlightrahm. Denn hend de Paul und ich eus chlini Sache uf de Buch gmalt. Er het mr es chlises SVP gmacht, ich ihm es BLOCHER. Denn hettr en chline Sunneschii über de Hügel gmalt und es Schwiizerfläggli. Nach 5min het de Timer glüte. Denn ischs Vorspiel fetig xi und mir hend eus ad Sach gmacht... Das isch genau 20sek länger gange als sletscht mal: 1min40sek!!!
----------------------------------------------------------------------------------------------------------------------
26.Feb.06
Hallo zeme,
Hüt bin aber glückli. E gwüssi Vreni het ich miis Gästebuechgschriebe. Ez biini ganz glückli drüber. Das zeigt mir, dassi öpis endere cha mit miinere Lebenserfahrig und mit miine tipps. Deshalb hani d’idee gha je es eignix Kapitel fü Rezept und Modetipps zmache für imanzitierti Fraue wie mich. Fü Fraue wo au ihres wüsse wennd wiiterbilde. Ich bi nämli e ganz e tolli Frau wo andere wott helfe au so zwerde wie ii.
Ez möchti eu mal chlii gnauer verrate wieni uusxehne, dämit ihr eu es (vor)bild mache chönd:
Haarfarb: Blauschwarz (gfärbt)
Augefarb: Brun
Huut: Solariumbrünt und rosa
Nippelfarb: orange
Haarfarb Schamberreich: Ebefalls Blauschwarz... ha miin Brasilianer ahpasst
Grössi: 1.74
Mass: 83-65-93 Bi ebe schlank ,gell.
Ii bi ebe e natürlichi Schönheit, gell. Wenni cha tuni denn mal es bildli vo mir ine... damit ihr mii bewundere chönd.
Ii muss eu ez aber wa verzelle. Gester isch d’Edith be mir xi. Du, die het mr xeit, sie seg momentan so zfriede mit ihrem Sexlebe. Sie heg en Italiener gfunde wo so richtig guet seg. Da hanre aber miini Meinig xeit. Ii meine, dasch doch en italiener... da gaht doch nid. Dasch en uusländer. Da isch ihre klar worde wa sie ahgstellt het. Sie het mii gfrögt öbs echt e möglichkeit gebi um sich voire Sünde zbefreie. I ha nu eis gwüsst: zersch 5 Ave Blocher und 5 Ave Mörgeli und denn na 10 Ave SVP. Denn na eis „Im Namen des Christoph, des Sennenchäpi und der heiligen Bratwurst, Hopp Schwiiz“ und alles isch wieder guet.
Da isch s’Edithli schnell ufs WC grennt, hets verrichtet und het denn nüme dävo gredt.
Spöter am abe, hani denn wieder miini Nochberi xeh, die dumm Hex. Mit ihrne natürli schwarze Hoor. Het wieder ma mite Monsterhünd im Gärtli ghöcklet. Denn hani absichtlich gad miis Beseli holt und abe beselet. Da het sie denn gärgeret. Aber da het denn nö glanget. Ich han all suberi Wösch usde Schränk gno dämit ich sicher bis am eis am morge wäsche dun. Die nass wösch hani denn ufde Balkon ghängt. Am 6i am morge bini ufgstande, has Fenster ufgmachet u ha luut mitem Paul gschwetzed damit sie au ufwachet Denn bini mit miine höche Schueh dur de Gang, abe go die restlich Wösch hole, damit sie mi guet hört. Da hani sie denn dampfe ghört duune. Gschehtne recht, dem Franzosepack! Blöderwiis hets übr nacht gregnet u miini wösch isch denn nass bliibe.
----------------------------------------------------------------------------------------------------------------------
25.Feb.06
Grüessgott,
hüt mussi denn doch wiedr maa us miim Lebe berichte... Aso gestr sin miin fründinne d’Heidi und d’Edith diheime xi. Die hend miini wundrschööön uussicht vom Balkon gnosse und miini Betty Bossi-Brate mit Rüebli und Maggiwürzmischig. Ii gibe n'eu denn na s'Rezept gell. Du da hettne denn guet gschmöckt, gell. Mit ihne chani ebe soo grüsli guet über miini Nochbere tratsche. Die alt Hex vo dunne gell. Ich sege dir, da isch denn ganz e linki Person. Die findt ich söll miini undrwösch vom balkon anbehänge, abr da isch aber denn PASSIONATA. Nöd irgendwie so mischt vo La Perla.. so wie sies treit, ned. Miis züügs isch schön gstopft, macht so schöni rundige ah miin susch so schlanke Body. Gell. Ha denn de Heidi au Tipps geh, wie sie sich so en schöne maah angle cha wie ich . Ebe en Ze-E-Oh. Mit siine wundrschöne Tschööpli vo Versace in wiis mi wiise streifli gell. Ich bin aber ebe e bescheideni und chaufe miini wundrschöne Schüeli immerno im Dosebach. Ich han ebe au so stil. Da bruchts nöd viel Geld. Au wenns de Paul het, gell. Ich gib natürlich au mode tipps... 
Aso,
das Leoparde Outfit zäme mite schwarze Hose und denne wundrschöne Schueh, das muess eim äfach gfalle, gell... Das hübsche chleid rechts trägi immer zu miine hose dune. Da münd ihr probiere gell. Ich bi nemli en trendsettler. Amix holi miini Chleidixtipps usm Chica. gell. Da isch en tolle Lade. Det hani d'Livi kenneglernt. Sie het mr xeit, sie führi vo Bruef en Begleitservice. Da muss denn en tolle Bruef sii, au wenni nid genau weiss wa da isch. Immerhii füehrt sie was, gelllet.
|
